今日天朗氣清,志明與春嬌想遠離石屎森林,呼吸一口新鮮的空氣,所以一早去到士多啤梨園,享受一個充滿大自然的假日。

春嬌興奮說:「嘩!老公你睇吓啲士多啤梨真係好大粒吖!一定又香又甜啫!」

志明:「咁我摘粒最大嘅俾你食啦!」立即動手落田摘士多啤梨

「老婆我摘到啦,你快啲食吖!」

春嬌:「咦~你連葉都未搣~點食吖~我只係食士多啤梨嘅果實!」

志明:「真係只係食果實?」

春嬌:「緊係啦!我要『真』果實。」之後志明用手挑士多啤梨上一粒粒好似「種子」的東西比春嬌。

春嬌:「你發脾氣還發脾氣,做咩整爛粒士多啤梨喎!」

志明:「我唔係發脾氣,我挑緊士多啤梨嘅『真』果實俾你食。」

春嬌:「你仲狡辯!士多啤梨紅色嘅部份咪係『真』果實囉。」

志明大笑:「親愛嘅老婆。士多啤梨嘅食用部份其實係『假』果 (Accessory fruit)。果實係指由子房發育而成,但係士多啤梨嘅果實係由花托發育而成,所以我哋平時食嘅係花托受粉之後變大嘅部分,士多啤梨嘅『真』果實反而係佈滿『假』果表面上一粒粒好似『種子』嘅嘢。」

春嬌尷尬地說:「咦~點解你咁叻嘅?原來細細粒士多啤梨都咁有學問~咁其實日常生活裡面,仲有邊啲生果係『假』果呀?」

志明:「你食咗粒士多啤梨先啦,我再話過你知!」

 

 

立即捐款 支持青協

 

 

我想立即捐贈

支持青協