今日是媽媽美冴生日的大日子,所以爸爸想親自下廚。小新都想為晚餐盡一分力,於是便和爸爸一起去市場買餸。

小新興奮地跑向一個海鮮檔:「魚檔姨姨~今日係我媽媽生日,我要買啲蝦蟹返去整大餐呀!」

魚檔姨姨微笑道:「見你咁乖仔,計你平啲啦。你要啲咩整大餐呀?」

小新:「多謝哂你呀!但係……姨姨你呢到都無我想要嘅蝦同蟹嘅……」

魚檔姨姨反駁:「無!可!能!全香港魚檔一定得我呢間最齊貨!」

小新:「但係……我平時喺屋企食嘅蝦蟹都係紅色架喎……你魚檔嗰啲蝦蟹全部都係青藍色嘅?」

爸爸大笑:「小新~真係畀你笑死!平時你又唔幫媽媽手煮飯,你緊係唔知蝦蟹本身係青藍色啦。」

小新立即唱出:「明明綠燈轉眼變成紅燈~我就聽過姐,但係點解蝦蟹煮熟咗之後會變成紅色呢?」

爸爸解釋著:「蝦蟹變色嘅關鍵在於一種叫做蝦青素(Astaxanthin,又稱蝦紅素)嘅色素,佢原本嘅顏色就好似煮熟左嘅蝦咁,係橘紅色嘅。當蝦青素同龍蝦體內的甲殼菁蛋白質(Crustacyanin)結合後,就會變成你依加見到嘅青藍色。當蝦蟹煮熟後,體內的甲殼菁就會被破壞,令蝦青素嘅橘紅色出返嚟。」

魚檔姨姨:「噢~原來係咁!不過你地究竟買唔買架?唔好阻住我做生意喎!」

小新和爸爸尷尬:「係…係…係…」

蝦青素(Astaxanthin,又稱蝦紅素)是類胡蘿蔔素的一種。與其他類胡蘿蔔素一樣,蝦青素屬於一種脂溶性及水溶性的色素,在蝦、蟹、鮭魚及藻類等海洋生物均可找到。它亦是一種天然抗氧化劑,可以預防心血管疾病、免疫缺陷和神經系統退化。

 

資料來源:
食物與廚藝——》(On Food and Cooking)

 

立即捐款 支持青協

 

 

我想立即捐贈

支持青協