為何冰鎮後的水果會份外甜?

近期天氣反常,時而寒冷,時而炎熱。今天的天氣又變得像夏天一樣,在這樣的氣溫下,小明回家後急不及待來一口冰鎮的水果,享受一下透心涼的感覺。

小明一邊細細地品嘗著美味的水果,一邊心裏有個疑問,便跑去廚房問媽媽:
「媽媽,雪櫃入面嘅生果係喺邊度買㗎,點解咁甜咁好味嘅?」

媽媽冷淡地回應:「咪又係嗰間超級市場囉。」

小明繼續說:「但真係特別甜喎!」

媽媽終於開估道:「其實我哋舌頭上嘅味蕾,喺某個溫度嘅範圍內,對於唔同類型嘅糖嘅靈敏度都有唔同㗎。譬如,相同份量嘅果糖喺較高溫度嘅時候,就會比蔗糖無咁甜。」

小明追問:「但係水果主要嘅甜味係來自果糖喎!」

媽媽繼續解釋:「係呀!所以除咗果糖嘅濃度之外,溫度就係主要嘅關鍵喇。你之所以會覺得今日嘅生果特別甜,其實個橋妙係因為我將啲生果喺冰櫃到雪咗一陣。喺溫度愈低時,我地嘅味蕾就會對果糖嘅甜味更加靈敏,所以食起上來就會覺得更加甜喇。」

小明恍然大悟地說:「咁以後keep住放啲生果落冰櫃啦!唔好就咁放喺飯廳個生果籃度喇!」

媽媽立即沒好氣地說:「咁又唔好成日咁做,唔係咪食到我老人家牙都痺哂囉!」

不同類型的糖(濃度相同)在不同溫度下對甜度的影響

 

資料來源:
http://pansci.asia/archives/83921
http://paper.people.com.cn/smsb/html/2013-07/23/content_1271839.htm

 

立即捐款 支持青協

 

 

我想立即捐贈

支持青協