有一日,常識科老師向全班同學說:「我手上有一隻生雞蛋,有無同學覺得佢好容易整爛?」

班上所有同學都有舉手,當中小明搶先說:「當然係啦!我上次打開雪櫃,隻雞蛋唔小心跌落地下,整到我隻腳污穢晒!」

小丁笑言:「你隻雞蛋跌落地下當然爛啦,平時我幫阿媽喺街市買雞蛋返屋企嗰陣,唔小心撞吓,都爛幾隻丫!」

老師說:「既然大家都覺得生雞蛋咁容易整爛,有冇同學想試吓單手握碎雞蛋,記得只可以用掌心部份。」

小美搶先舉手:「隻雞蛋咁易爛,我係女仔都「握」碎啦!(用力握) 依…點解唔爛…」

班中最孔武有力的小強一手搶了:「你係咪未食飯丫?等我嚟啦。(用力握) 依…我再用力啲先…」小強用盡全力握,但雞蛋都係完好無缺。

老師說:「可以停手啦。其實真係要好大力先可以握碎雞蛋,唔知大家有冇留意雞蛋的形狀呢?」

高材生小聰:「我知!拱形丫嗎。我仲知因為雞蛋殼是拱形,所以可以把大家握蛋嘅力分散,令到雞蛋更耐壓。」

老師:「小聰講得正確。如果大家有細心留意的話,會發現古今中外有好多建築物都會有拱橋、拱門等等嘅設計。」

同學聽完老師的講解後,不禁覺得小小的雞蛋都可以咁科學。

 

立即捐款 支持青協

 

 

我想立即捐贈

支持青協