點解做完運動肌肉會酸痛?

相信大家都試過做完運動翌日起床,肌肉會超級痠痛,行樓梯、舉手,甚至呆坐都成為極其痛苦既事!科學上此現象稱為遲發性肌肉痠痛(DOMS)。究甚點解做運動會令肌肉痠痛呢?

常見既誤解係以為肌肉痠痛係因為運動中產生既乳酸積累係肌肉入面,有研究搵左兩班跑手,一班人係平地上進行高強度地運動,佢地積累既乳酸較多,但大多數跑手並冇感到肌肉酸痛;另一班跑手就下坡跑步,較低強度的運動產生既乳酸較少,但結果大部份對象感受到有肌肉酸痛,反映乳酸積累並唔係肌肉酸痛既成因!

真正原因係微細肌肉撕裂引致炎性反應!係肌肉進行離心收織,即是肌肉對抗拉長的動作時(例如做sit up時,身體從卷曲到攤平的動作,腹部肌肉對抗拉長),會引致肌肉有微細既撕裂。肌肉撕裂引致炎性反應刺激到痛楚受體(pain receptor),令你酸痛既感覺啦!

遲發性肌肉痠痛一般都會係72小時內消失,按摩同埋沖熱水涼都可以舒緩痠痛!下次有痠痛記得聰明啲啦!